Кеүәҫ

Бәләкәй мискәгә бал, йоҡа итеп түңәрәкләп киҫелгән лимон, кипкән йѳҙѳм һалалар, уға он һәм сүпрә болғатылған, ҡайнап һыуытылған 8 л һыу ҡоялар. Бер тәүлектән һуң 1 л ҡайнар һыу ѳҫтәйҙәр. Түңәрәк лимондар һәм йѳҙѳм ѳҫкә ҡалҡып сыҡҡас, шыйыҡсаны иләк аша һѳҙәләр. Кеүәҫте шешәләргә ҡоялар, уларҙың һәр береһенең ѳҫтѳнә 2-3-әр йѳҙѳм һалып, тығын тығып, ятҡырған килеш һалҡын урынға һаҡларға ҡуялар. Ике-ѳс тәүлектән һуң кеүәҫ ҡулланыуға әҙер була.Составы: 800 г бал, 9 л һыу, 800 г йѳҙѳм, 2 лимон, 2 аш ҡалағы арыш оно, 15 г сүпрә.