"Ҡоро закон"ды һанламағандар

Яңы йыл каникулдарында республиканың 133 магазины “ҡоро закон”ды боҙған, тип хәбәр итә Башҡортостандың Сауҙа һәм ҡулланыусыларҙың хоҡуҡтарын яҡлау буйынса дәүләт комитеты.

Иҫегеҙгә тѳшѳрәбеҙ, иҫерткес эсемлектәрҙе һатыу тѳбәктә 3 ғинуарҙа рѳхсәт ителмәне. Бынан тыш, алкоголь продукцияһына сикләүҙәр 4, 5 һәм 6 ғинуарҙа ла ғәмәлдә ине.

Комитеттың пресс-секретары Нина Никандрова әйтеүенсә, законға ҡаршы килеүселәргә административ штраф һалынасаҡ. Вазифалы кешеләр ѳсѳн уның күләме – 20-40 мең һум, юридик шәхестәр ѳсѳн - 100 меңдән 300 мең һумғаса. Быға ѳҫтәп, алкоголь продукцияһы ла конфискацияланасаҡ.

Яңы йыл байрамы кѳндәрендә Сауҙа һәм ҡулланыусыларҙың хоҡуҡтарын яҡлау буйынса дәүләт комитеты хеҙмәткәрҙәре тарафынан республика ҡала-райондарында йәмғеһе 70 магазин тикшерелгән.