Үҙмәшғүллек ѳсѳн һалым

Башҡортостанда йыл башынан 2000-дән ашыу кеше үҙ эше менән мәшғүл булыуын теркәгән.

Махсус һалым режимы тѳбәктә 1 ғинуарҙан эшләй башланы. Ул профессиональ килемгә һалымды 13% урынына 4 йәки 6 процент күләмендә түләргә мѳмкинлек бирә.

Үҙ эше менән мәшғүл булғандар тип, эш биреүсеһе, шулай уҡ ялланма эшселәре булмаған, йәғни үҙенең шәхси эшмәкәрлегенән килем алыусы граждандарҙы атайҙар. Йәнә шул: уларҙың бер йылыҡ килеме 2,4 млн. һумдан артмаҫҡа тейеш (айына 200 мең һум).

Фото: vesbiz.ru