“Демография“ милли проекты сиктәрендә “Тамыр” телеканалында ғаилә проекты ғәмәлгә ашырыла

“Демография“ милли проекты сиктәрендә “Тамыр” балалар һәм үҫмерҙәр телеканалында “Балалар күп булмай” тигән проект старт алды.Сығарылыштарҙа Башҡортостанда йәшәүсе ғаиләләр тураһында бәйән ителә. Тапшырыу авторҙары әйтеүенсә, геройҙарҙың барыһы ла ихтирам-иғтибарға лайыҡ. “Беҙҙең йәмғиәттә ғаилә ҡиммәттәре бихисап үҙгәрештәр кисерҙе. Бында традицион ғаилә ҡиммәттәренә иғтибар йәлеп итеү күҙлегенән дә, медиабелгестәрҙең гражданлыҡ позицияһы йәһәтенән дә эш байтаҡ. Беҙҙең проект күп балалы атай-әсәйҙәргә һәм ишле ғаиләләрҙә үҫкән балаларға ҡарата ихтирам тәрбиәләүгә, йәмғиәт тарафынан күпбалалыҡты хуплауға үҙ ѳлѳшѳн индерер, тигән ышаныстабыҙ,” - ти “Тамыр” телеканалының директоры Гѳлназ Ҡолһарина.Башҡорт телеканалының проекты Мәскәүҙә уҙған “Федерация” Бѳтѳн Рәсәй телевизион конкурсында танылыу яуланы. Унда Мѳлѳковтар ғаиләһе тураһында тапшырыу I урынға лайыҡ булды.

#национальныепроекты #нацпроекты#региональныепроекты #регпроекты#нацпроектыБашкортостан#детибашкириисчастье#башҡортостанбалалары