Лайыҡлылар наградланды

Төбәктең төрлө иҡтисад тармағындағы предприятие, ойошмаларҙың 66 хеҙмәткәре һөнәри ҡаҙаныштары өсөн ордендарға, маҡтаулы исемдәргә, Почет грамоталары һәм Рәхмәт хаттарына лайыҡ булды.

Беҙҙең райондан район-ҡала Пенсия фонды идаралығы начальнигы Константин Васильевич Полетавкинға “Башҡортостан Республикаһының атҡаҙанған халыҡты социаль яҡлау хеҙмәткәре” исеме бирелде, ә “Башинформсвязь” йәмғиәтенең административ хужалыҡ идаралығынан транспорт менән тәьмин итеү хеҙмәте тракторисы Әхмәҙулла Миҙхәт улы Бикмырҙин (һүрәттә) Башҡортостан Республикаһының Почет грамотаһы менән наградланды.

Бүләкләнеүселәр араһында яҡташыбыҙ - профессор, Тарих, тел һәм әҙәбиәт институтының фәнни етәксеһе Фирҙәүес Ғилметдин ҡыҙы Хисаметдинова ла бар.