Владимир Путин “Лукойл”дың етәксеһе Вагит Алекперов менән осрашты

Былтыр Сочиҙа үткәрелгән Рәсәй-Африка форумы үҙенең тәүге емештәрен бирә башланы. “Лукойл” компанияһы етәксеһе Вагит Алекперов Ил Башлығына Африкала нисек эш башлауҙары хаҡында һөйләне.

Күләмле форумдан һуң “Лукойл” көнбайыш Африканың өс илендә – Конго, Гана һәм Камерунда эш башлаған. Бынан тыш тағы ла 4 ил менән һөйләшеүҙәр бара.

Рәсәй-Африка иҡтисади форумын үткәреү Владимир Путин тәҡдиме менән ойошторолғайны. Уның эшендә Африканың 54 иленән абруйлы вәкилдәр ҡатнашты. 45 делегацияға дәүләт башлыҡтары һәм хөкүмәт рәйестәре етәкселек итте. Сочиҙағы форумда йәмғеһе 1 трл. һумдан артығыраҡ суммаға 92 килешеү төҙөлдө.

Владимир Путин тәҡдиме менән Рәсәй-Африка иҡтисади форумы өс йылға бер тапҡыр даими ойоштороласаҡ.

Фото: kremlin.ru

#ВладимирПутин