Президент еңеү менән ҡотланы

14–16 февралдә сана шыуыу спорты буйынса Сочила үткән донъя чемпионатында Рәсәйҙең йыйылма командаһы еңеү яуланы. Рәсәй спортсылары биш – алтын, ике – көмөш һәм бер бронза миҙалға лайыҡ булды.

Ошо уңайҙан Владимир Путин Рәсәйҙең сана шыуыу спорты буйынса донъя чемпиондарын ҡотланы. “Ярыштар спортсыларҙың яҡшы әҙерлеген, оҫталығын күрһәтте. Һеҙ яҡындарығыҙға, дуҫтарығыҙға, әйҙәүселәрегеҙгә һәм көйәрмәндәрегеҙгә онотолмаҫ ҡыуаныс һәм тантана минуттары бүләк иттегеҙ”, – тиелгән Кремль сайтындағы телеграммала.

#ВладимирПутин

Фото: tass.ru