Афарин, мөхәмәттәр!

Күптән түгел Әзекәй ауылы халҡы Мѳхәмәт ауылының үҙешмәкәр артистары алып килгән “Ҡатын-ҡыҙ - донъя тотҡаһы” тигән бай йѳкмәткеле концерт ҡарап кинәнде. “Зилимзә” фольклор ансамбленең, бейеүсе Фәнисә Низамованың сығыштарын, Хәтижә Ғайсина, Люциә Исмәғилева, Резеда Бәҙретдинова, Дилә Мәүлитшина кеүек моң эйәләренең күңел арбар йырҙарын тамашасы бик яратып ҡабул ҡылды. Тормошсан интермедиялар, шиғри сәләмдәр ҙә бер кемде лә битараф ҡалдырманы.