Дауахана йыуыу өсөн ябылды

Бөгөн Өфөләге Ашығыс медицина ярҙамы дауаханаһын эшкәртеүгә яптылар. Был турала медицина ойошмаһының баш табибы Ирина Карамова хәбәр итте.

"Хөрмәтле пациенттар! Бөгөн Өфө ҡалаһындағы Ашығыс медицина ярҙамы дауаханаһын йыуыуға яптылар. Сәбәбе – бер кешенең COVID-19 менән сирләү ихтималлығы. Күрһәтмәләргә ярашлы, был пациентты йоғошло ауырыуҙар стационарына күсерҙеләр. Ашығыс медицина ярҙамы дауаханаһындағы башҡа пациенттарҙы Өфөләге башҡа медицина ойошмаларына ебәрәбеҙ. Эшкәртеү тамамланғас, дауахана стационар тәртиптә эшен дауам итәсәк. Паникаға бирелмәүҙе, шикле сығанаҡтарҙың мәғлүмәттәренә ышанмауҙы һорайбыҙ”, – тип яҙҙы баш табип социаль селтәрҙәге сәхифәһендә.

Фото: newsbash.ru