“Еңеү көнө” Волга буйын иңләй

Рәсәй Президентының Волга буйы федераль округындағы Тулы хоҡуҡлы вәкиле аппараты башланғысы менән тормошҡа ашырылған “Беҙҙең Еңеү көнө” марафонына Марий Эл Республикаһы ла ҡушылды. Йыр марафоны төрлө төбәктәр халҡын берҙәм халыҡ коллективына туплаясаҡ.

Волга буйы федераль округының билдәле йырсылары һәм хорҙары композитор Давид Тухмановтың Владимир Харитонов һүҙҙәренә яҙылған билдәле “Еңеү көнө” йырын башҡарасаҡ. Йырҙы Марий Эл, шулай уҡ Мордва, Сыуаш, Удмурт, Татарстан, Башҡортостан Республикалары вәкилдәре мари, мордва, сыуаш, удмурт, татар һәм башҡорт телдәрендә башҡарасаҡ.

Акцияның төп маҡсаты – ата-бабаларыбыҙҙың бөйөк ҡаһарманлығы тураһында тарихи хәтер һаҡлау. Бөйөк йыр һәләк булған һәм тере геройҙар тураһында хәтер билдәһе булып миллионлаған рәсәйҙәрҙе бергә берләштерәсәк. Бөгөн Марий Эл Мордва Республикаһынан эстафетаны ҡабул итеп алып, марафонды дауам итте.

“Волга буйы федераль округы төбәктәренең ижади коллективтарын төрлө телдәрҙә тыңлау һәм күреү мөмкинлеге биргән сағыу, хисле һәм үҙенсәлекле акция. “Беҙҙең Еңеү көнө” - бөтәбеҙҙе лә берләштереүсе патриотик акция. Был проекттың Рәсәй Президентының Волга буйы федераль округындағы тулы хоҡуҡлы вәкиле Игорь Комаров башланғысы аҫтында үтеүе мөһим. Минеңсә, акцияны йыл да үткәрергә кәрәк”, – тине Марий Эл Республикаһының мәҙәниәт, матбуғат һәм милли эштәр буйынса министры Константин Иванов.

“Еңеү көнө” йырын Яков Эшпай исемендәге мари дәүләт филармонияһы йырсылары, шулай уҡ “Марий кундем” халыҡ ҡоралдары оркестры оҙатыуында А.И.Искандаров исемендәге мари дәүләт хор капеллаһы башҡарҙы. Тапшырыуҙы «Марий Эл Телерадио» телеканалы әҙерләне. Видеороликтар яҙҙырыу илдә үҙизоляция режимы ингәнгә тиклем яҙҙырыла. Тапшырыуҙы төшөрөү өсөн марий баш ҡалаһының билдәле урындары һайлана.

Мари АССР-нан фронтҡа 142 мең кеше китә, 75 меңе батырҙарса, әсиргә эләгеп һәләк була. 53 кеше - Советтар Союзы Геройы, 14 яугир Дан орденының тулы кавалеры исеменә лайыҡ була.

Еңеү символы булған йырҙың видеоролигы рус һәм мари телдәрендә радио-телевидениела яңғыраясаҡ һәм күрһәтеләсәк, шулай билдәле социаль селтәрҙәргә #песнипобедыПФО #нашденьпобеды хэштегы аҫтында һалынаса