Йәнә бер лаборатория асылды

Белорет үҙәк район дауаханаһы базаһында коронавирусты диагностикалаусы лаборатория асылды.

Был – Башҡортостанда COVID-19 вирусын билдәләүсе лабораторияларҙың ун беренсеһе. Ул Белорет һәм Сибай медицина округтарында алынған анализдарҙы тикшерәсәк.

Һаулыҡ һаҡлау өлкәһен күҙәтеү буйынса федераль хеҙмәте мәғлүмәттәренә ярашлы, республикабыҙ бер тәүлектә коронавирус инфекцияһына үткәрелгән тестар һаны йәһәтенән бишенсе урынды биләй.