Ағиҙелдә йөҙөр теплоходтар

Бөгөн Республика Башлығы Радий Хәбиров Өфөнөң Затон биҫтәһендәге “Судно ремонтлау – судно төҙөү заводы” яуаплылығы сикләгән йәмғиәтендә булды.

Ул “Чайка”, “Арыҫлан Мөбәрәков” һәм “Башҡортостан” теплоходтарын ҡараны, предприятины тергеҙеү эштәре менән танышты.

– Беҙ заводты банкротлауҙан йолоп алып ҡалдыҡ. Идарасылар, милек эйәләренең әленән-әле алмашынып тороуына сиҡ ҡуйҙыҡ, июнь урталарына мәсьәлә тамам хәл ителәсәк. Бында тейешле тәртип буласаҡ: пассажирҙар флотын тергеҙәсәкбеҙ, хеҙмәткәрҙәр үҙ эшенә ҡайтыр, көслө етәксе ҡуйырбыҙ. Үкенескә ҡаршы, яңы суднолар һатып алыу мөмкинлеге юҡ әле, булғандары менән эшләйәсәкбеҙ, – тине Радий Фәрит улы.

Республика хөкүмәте хәҙер Башҡортостандың уникаль был предприятиеһын артабан үҫтерерлек инвестор эҙләй, тип белдерҙе төбәк етәксеһе.