Мәғариф министрлығы COVID-19 таралған осорҙа уҡыу йылының нисек тамамланасағын хәбәр итте

12 майҙан Башҡортостандың бөтә белем биреү ойошмалары элеккесә дистанциялы режимда эшләй. Был хаҡта республика хөкүмәте вице-премьеры Фәнүр Йәғәфәров белдерҙе.

12 майҙан Башҡортостандың бөтә белем биреү ойошмалары элеккесә дистанциялы режимда эшләй. Был хаҡта республика хөкүмәте вице-премьеры Фәнүр Йәғәфәров белдерҙе.

«Уҡыу йылы, алдан әйтелгәнсә, I-IV кластар өсөн – 22 майҙа, V-XI класс уҡыусылары өсөн 29 майҙа тамамлана», — тип асыҡлыҡ индерҙеләр республика Мәғариф министрлығында.

Урта махсус һәм юғары уҡыу йорттарында уҡыу, ҡағиҙә булараҡ, 1 июлгә тиклем тамамлана. Ләкин ҡайһы бер белем биреү учреждениеларында уҡыу планына бәйле датаның күсерелеүе ихтимал. Студенттар имтихандарҙы дистанциялы форматта тапшыра.

«12 майҙан ата-әсәләре эшкә сыға башлаған бөтә балаларға балалар баҡсаһындағы дежур төркөмдәрҙә урын бирелә. Дежур балалар баҡсалары, төркөмдәр һанын муниципалитет билдәләй», — тип белдерҙеләр министрлыҡта.

Дежур төркөмгә индереү өсөн ата-әсәләргә мәғариф бүлегенә йәки балалар баҡсаһы етәксеһенә ирекле формала ғариза яҙырға, баланың һаулығы тураһында белешмә тапшырырға кәрәк. Һуңғы документты педиатрҙан дистанциялы рәүештә алырға мөмкин.

Фото: 45.ru

Читайте нас:

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29