Музейҙар онлайн-дәрестәр үткәрәсәк

Башҡортостан музейҙары Хәтер һәм ҡайғы көнөндә яҡташ Бөйөк Ватан һуғышы ветерандары тураһында онлайн-дәрестәр тәҡдим итәсәк.

Республиканың Милли музейы 22 июндә “Хәтер. Музейҙар” тип аталған мемориаль интернет-акция үткәрәсәк. Сарала республиканың дәүләт һәм муниципаль музейҙары ҡатнашасаҡ.

“Хәтер. Музейҙар” акцияһы Бөйөк Ватан һуғышы ветерандары – Башҡортостандың ҡала һәм ауылдары кешеләре тураһында хәтерҙе мәңгеләштереүгә йүнәлтелгән. Музейҙар фондттарында һаҡланған яугир хаттарына һәм хәтирәләренә нигеҙләнеп онлайн-дәрестәр үткәрәсәк.

Онлайн-дәрестәргә баш һүҙ булып Роберт Рождественскийҙың “Реквием. Хәтерләгеҙ! шиғырынан өҙөк торасаҡ.

Через века, через года, –

помните!

О тех,

кто уже не придет никогда, –

помните! Не плачьте!

В горле сдержите стоны,

горькие стоны.

Памяти павших будьте достойны!

Вечно

достойны!

Көн дауамында музейҙар онлайн-дәрестәрен социаль селтәрҙәрендәге төркөмдәрендә һәм «YouTube» каналында #памятьмузеиРБ хештегы аҫтында баҫтырасаҡ.

Фото: yandex.ru