Республика етәксеһе лә байрамдары менән ҡотланы

Бөгөн – Медицина хеҙмәткәрҙәре көнө. Республика Башлығы Радий Хәбиров байрам айҡанлы ҡотлау һүҙҙәрен еткерҙе.

“Хөрмәтле медицина хеҙмәткәрҙәре! Һеҙҙе һөнәри байрамығыҙ менән ҡотлайым! Изге эшегеҙ ысын хөрмәт уята. Юғары һөнәри оҫталығығыҙҙы, тәжрибәле, кешелекле булыуығыҙҙы, хеҙмәт бурысығыҙ алдында үҙегеҙҙе ҡорбан итә алыуығыҙҙы күрһәттегеҙ.

Бөгөн коронавирус инфекцияһы менән көрәштә лә алғы сафтаһығыҙ. Планетабыҙҙағы барлыҡ кешеләр һеҙгә “Рәхмәт!” әйтә. Һеҙ – ысын геройҙар. Мин һеҙҙең менән ғорурланам.

Кешеләрҙе ҡотҡарам тип ғүмерен биргән медицина хеҙмәткәрҙәренең исемдәрен йөрәктәребеҙҙә һаҡларбыҙ. Һеҙҙе рәхмәт тойғолары менән солғап алырбыҙ, хеҙмәтегеҙ, ғаиләгеҙ өсөн лайыҡлы шарттар булдырырбыҙ.

Хөрмәт һәм дан һеҙгә, ҡәҙерле дуҫтар! Үҙегеҙгә һәм яҡындарығыҙға ысын күңелдән ныҡлы сәләмәтлек, именлек, бәхет теләйем!” - тиелә ҡотлау һүҙендә.

Фото: glavarb.ru.