Алдан тауыш бирҙек

Белорет медицина колледжында урынлашҡан 1279-сы һайлау участкаһына барып инеү менән ҡулды дезинфекциялаусы шыйыҡса менән эшкәртеп, бирсәткә-битлек, ручка тәҡдим иттеләр. Тән температураһын тикшергәндән һуң ғына һайлау өҫтәленә үткәрҙеләр. Хәүефһеҙлек саралары үтәлә, хатта паспортыңа ла ҡағылмайҙар, үҙең асып күрһәтәһең. Илебеҙ Конституцияһына индереләсәк үҙгәртеүҙәр дәүләт именлегенә, ябай халыҡ мәнфәғәтенә йүнәлтелгән булыуын теләргә генә ҡала.