COVID-19 ҡорбандары 51-гә етте

Башҡортостанда COVID-19 йоҡтороусылар көндән-көн күбәйә. Вирустан тағы бер кешенең ғүмере өҙөлдө.

27 октябрҙән 28-енә республикала тағы 86 кеше ауырып киткән. Пандемия башланғандан алып йәмғеһе 10 501 осраҡ асыҡланған.

Әлеге ваҡытта 963 кеше ошо сирҙән дауалана: 195-е - стационарҙа табиптар күҙәтеүендә, 768-е - өйҙә.

Республиканың Һаулыҡ һаҡлау министрлығы мәғлүмәте буйынса, тағы бер пациент коронавирустан вафат булған. Хәҙер Башҡортостанда коронавирус ҡорбандары - 51 кеше.

Башинформ.