Владимир Путин 2021 йылды Фән һәм технологиялар йылы тип иғлан итеү тәҡдимен индерҙе

«Тап бөгөн, донъя кимәлендәге юғары уҡыу йорто, Мәскәү дәүләт университетының попечителдәр советы майҙансығында, 2021 йылды Рәсәйҙә Фән һәм технологиялар йылы тип иғлан итеү тураһында әйткем килә», — тип белдерҙе президент 24 декабрҙә Мәскәү дәүләт университетының попечителдәр советы ултырышында.

Хәтерегеҙгә төшөрәбеҙ, декабрь башында Рәсәй хөкүмәте премьер-министры Михаил Мишустин федераль ярҙам алырға тейешле ғилми-белем биреү үҙәктәрен һайлап алыу йомғаҡтары буйынса бойороҡҡа ҡул ҡуйҙы. Уларҙың береһе Өфөлә була. Нимә ул, ни өсөн кәрәк һәм республикаға ярҙамы бармы? Республика Башлығы Хакимиәте етәксеһе Александр Сидякин һөйләй.