Бурыслының милкенә арест

Милек һалымы буйынса бурысы булған шәхси граждандар һәм эшҡыуарҙар менән ҙур эш алып барыла. Ошо кѳндәрҙә Федераль һалым хеҙмәте һәм суд приставтары хеҙмәттәре менән берлектә сираттағы рейд уҙғарылды.

Тәүге осрашыу һалымы буйынса 80 мең самаһы бурысы булған эшҡыуар менән план- лаштырылғайны. Әммә рейд ағзалары уны эш урынында осрата алманы. Эшҡыуар менән телефон аша бәйләнешкә инеп, мѳлкәтенә арест һалыныуы белдерелде. Әлбиттә, бындай сара ҡулланыу һуңғы алым булһа ла, иң һѳҙѳмтәлеһе һанала. Күп йылдар буйы туплаған мѳлкәтенән бер кемдең дә ҡолаҡ ҡаҡҡыһы килмәй, шуға күрә күптәр бурысын тиҙ арала ҡапларға тырыша. Ведомство хеҙмәткәрҙәре ер, транспорт, мѳлкәт һалымы булған бер нисә бурыслының милкенә тикшереү ҙә үткәрҙе. Бындай рейдтар һуңғы йылдарҙа йыш уҙғарыла. Бурыслыны урынында тап итмәгән осраҡта суд приставтары уға тиҙ арала бурысын түләү буйынса белдереү ҡалдыра.