Төп бүләк – Ҡырмыҫҡалыла

Ғинуар аҙағында Башҡортостан юлдаш телеканалының “Сәләм” тапшырыуында тура эфирҙа “Республика Башкортостан” Матбуғат йорто ойошторған “Яҙыл һәм бүләк от” дөйөм республика акцияһына йомғаҡ яһалды. Ҡырмыҫҡалы районы Һарт-Наурыҙ ауылынан Ғәзимә Ғабдулхаҙый ҡыҙы төп бүләк – һыуытҡыс отто.

- Бүләк отоуымды көтмәгәйнем дә. Һуңғы мәлгә тиклем киленемә: “Әкиәт һөйләмә миңә” тип килдем. Һыуытҡысты йортҡа индергәстәр генә ышандым. Ошондай бүләк эшләгәндәре өсөн ойоштороусыларға рәхмәт. Электрон почта аша квитанцияны ебәрергә ярҙам иткән балаларыма рәхмәт! , - тине хеҙмәт ветераны бүләккә ҡыуанып.

Һеҙ ҙә киләсәктә район, республика баҫмаларына яҙылып, квитанцияларын ебәрергә онотмағыҙ!