Алты көнлөк уҡыуға күсәбеҙме?

Республика етәксеһенең ҡарары буйынса, 2019 йылда бөтә уҡыусылар өсөн биш көнлөк уҡыу аҙнаһы булдырылғайны.

- Был уҡыу процессы өсөн еңел булмаһа ла, үҙен тулыһынса аҡлағайны. Әммә коронавирусҡа бәйле дистацион белем алыуҙарға күстек. Хәҙер уҡыусыларға артта ҡалған фәндәрҙе ҡыуып етеү бурысы тора. Берҙәм дәүләт имтихандарын яҡшы балдарға тапшырған баланың киләсәге лә ошо һөҙөмтәләрҙән тора, - тине Радий Фәрит улы.

Республиканың мәғариф һәм фән министры Айбулат Хажин билдәләүенсә. 2019-2020 уҡыу йылында уҡыусылар 6 фән буйынса күрһәткестәрҙе яҡшыртҡан. Күп кенә дисциплиналар буйынса юғары балдар алыусылар күбәйгән. Имтиханда 100 бал алған уҡыусыларҙың педагогтары 50 мең һумлыҡ премияға эйә була. 2020 йылда ошондай аҡсалата ярҙамды 106 уҡытыусы алған.

Шулай уҡ мәғариф һәм фән министры 2021 йылда имтихандарҙа буласаҡ үҙгәрештәр хаҡында ла хәбәр итте. Быйыл XI класс уҡыусылары өсөн имтихандарҙы алдан биреү мөмкинлеге юҡ. Берҙәм дәүләт имтихандары юғары уҡыу йортона дәғүә итәсәк уҡыусылар өсөн үткәрелә. Йомғаҡлау иншаһын юғары класс уҡыусылары 15 апрелдә яҙа, ә имтихандар тапшырыу ваҡыты 31 майҙан 2 июлгә тиклем билдәләнгән. Математика буйынса мотлаҡ БДИ булмай, әммә вузға инмәһә лә, урта дөйөм белем алыу хаҡындағы аттестат алырға теләгән уҡыусылар өсөн дәүләт сығарылыш имтихандары ике фән буйынса- математика һәм рус теле буйынса үткәреләсәк.

Фото: Яндекс.Новости