+1 °С
Болотло
Бөтә яңылыҡтар
10
Яңылыҡтар
27 Март 2021, 17:10
Ғаиләләр льготалы ер биргәндә белешмәләр йыймай
Башҡортостанда инвалид бала тәрбиәләгән ғаиләләр ер алыу өсөн ғариза яҙғанда инвалидлыҡ тураһында белешмәләр биреүҙән азат ителде.
Башҡортостанда инвалид бала тәрбиәләгән ғаиләләр ер алыу өсөн ғариза яҙғанда инвалидлыҡ тураһында белешмәләр биреүҙән азат ителде. Башҡортостан Республикаһы Дәүләт Йыйылышы – Ҡоролтай ер мөнәсәбәттәрен көйләү тураһында законға тейешле үҙгәреш индерҙе, тип хәбәр иттеләр Башҡортостан парламентынан.
«Ысынында иһә, был – халыҡҡа артыҡ бюрократик йөкләмә. Закон көсөнә ингәндән һуң ведомстволар кәрәкле мәғлүмәтте үҙҙәре һоратып алдырырға тейеш. Инвалидлыҡты медик-социаль экспертиза дәүләт хеҙмәте билдәләй. Был мәғлүмәттәр «Инвалидтарҙың федераль реестры» федераль дәүләт мәғлүмәт системаһына ебәрелә», — тип белдерҙе Дәүләт Йыйылышы рәйесе Константин Толкачев.
Закон ҡул ҡуйыу өсөн Башлығына Башлығына йүнәлтелгән. Рәсми баҫылып сыҡҡандан һуң ун көн үткәс, закон үҙ көсөнә инә.
Фото: vseosvita.ua
Читайте нас:
