"Газпром" – иң ышаныслы партнерҙарыбыҙҙың береһе"

Ике яҡ компанияның республика менән үҙ-ара эш итеүен нығытыуҙы, шулай уҡ «Газпром» объекттарында Өфө моторҙар эшләү производство берекмәһендә етештерелгән АЛ-31СТ двигателен ҡулланыуҙы киңәйтеү мөмкинлектәрен тикшерҙе.

«Газпром» – иң ышаныслы партнерҙарыбыҙҙың береһе. Беҙ 2021-2025 йылдарҙа республикала газ менән тәьмин итеүҙе һәм газ үткәреүҙе үҫтереү программаһына ҡул ҡуйҙыҡ. Компания менән газ-мотор яғыулығы, нефть-газ химияһы өлкәһендә бик күп мөһим проекттарҙы тормошҡа ашырабыҙ», — тине Радий Хәбиров.
Бөгөн Өфөлә Берләшкән двигателдәр эшләү корпорацияһында эшләнгән газтурбиналы двигателдәр менән тәьмин итеү һәм уларҙы ремонтлау производство программаһын ғәмәлгә ашырыуҙа үҙ-ара килешеп эш итеү буйынса «Газпром» менән Ростехтың берлектәге ултырышы үткәрелә, тип билдәләне Башҡортостан Башлығы.

«Был көндө Башҡортостанда беҙҙең ҡатнашлыҡта «Газпром» менән Ростехтың осрашыуы була. АЛ-31СТ газтурбиналы двигателдәрҙең ышаныслылығын арттырыу эше ике корпорацияны берләштерҙе. Хәҙер беҙ етештереү күләме һәм мөмкинлектәр буйынса һәйбәт траекторияға сығабыҙ. Был ваҡиғаға бик шатбыҙ һәм үҙ-ара эш итеүҙә әүҙем ҡатнашырға әҙербеҙ. Рәсәй Хөкүмәте рәйесе урынбаҫары Юрий Борисов менән осрашыуҙа газтурбиналы приводтар сығарыу өсөн яңы етештереү-технология майҙансығын булдырыу хаҡында һөйләштем», — тип билдәләне республика етәксеһе Радий Хәбиров.
Осрашыу һуңында Радий Хәбиров Олег Аксютинды Башҡортостан үҫешенә өлөш индергән өсөн Салауат Юлаев ордены менән бүләкләне.