Вертолетты өҫтөнә ултыртырмы?

Бер нисә тапҡыр «Рәсәйҙең иң көслө кешеһе» исеменә лайыҡ булған Эльбрус Ниғмәтуллин яңы рекорд ҡуйырға әҙерләнә.

«Был юлы мин вертолетты өҫтөмә ултыртырға йыйынам. Үҙемдең сәхифәмдә бөтә мәғлүмәт менән таныштырып барырмын! Был ваҡиғаның яҡынса датаһы – Башҡортостанда май-июнь айҙары», — тине Эльбрус Ниғмәтуллин.

Бынан алда «стронгмэн» Өфө аэропортында 36 тонналыҡ «Боинг-737-500» самолетын урынынан ҡуҙғатты һәм уны 25 метрға һөйрәп алып барҙы. Шулай итеп, 46 йәшлек Эльбрус Ниғмәтуллин ил рекорды ҡуйҙы.