Аҙыҡ-түлеккә хаҡтар тағы ла артҡан

Башстаттың аҙналыҡ күҙәтеүе иң күбе ҡыярҙың хаҡы артыуын күрһәткән - 11,5 процентҡа (116 һумға тиклем). Вермишель 4,3 процентҡа ҡыйбатланған. Артабан картуф (3,4%), йомортҡа (3,3%) килә. Хәҙер картуфтың килоһы – 39, ә йомортҡаның тиҫтәһе 82 һум тора.

Шулай уҡ маргарин, йәш кәбеҫтә, кишер, һөт, ҡара бойҙай, туңдырылған балыҡ, тауыҡ, бешерелгән колбаса, тоҙ, йәшелсә-емеш, кәнфит, шыйыҡ май һәм башҡа ризыҡтарҙың хаҡы артҡан. Уртаса бер аҙнала кәрзин тултырмаһы 0,1 – 3,1 процентҡа ҡыйбатланған.

Бер үк ваҡытта дөгө, он, творог, һыуған, сәй һәм башҡа ҡайһы бер аҙыҡ-түлек төрҙәре арзанайған. Уларға хаҡ 0,2 – 1,9 процентҡа төшкән.

Фото: Яндекс.Новости