Берҙәм дәүләт имтиханы бөтөрөлөрмө?

"Быйыл түгел, әммә Берҙәм дәүләт имтиханының бөтөрөләсәгенә ышанам. Традицион форматҡа ҡайтырға тейешбеҙ, әлбиттә. Юғары уҡыу йорттары ла шундай уҡ фекерҙә, бүтәндәр ҙә", - тигән ул.

Әлбиттә, был системанан сығыу өсөн күп кенә ваҡыт кәрәк буласаҡ. Депутат әйтеүенсә, БДИ-ның уңышһыҙлығы тураһында даими һүҙ күтәрелә, уның бер етешһеҙлеге бар: балалар I синыфтан Берҙәм дәүләт имтиханына әҙерләнеп, фәндәрҙе тәрән итеп өйрәнмәй. Улар өсөн белем түгел, ә имтиханда аласаҡ балдар мөһим.

Ярай әле быйыл БДИ-ны юғары уҡыу йортона уҡырға инергә теләгән уҡыусылар ғына тапшыра. "Нисәмә йылдар дауамында балаларҙы ошо һынау менән йонсоттолар, күпме үҫмер уны тапшыра алмай, ҡулына аттестат алмай төшөнкөлөккә бирелде?! Тиҙерәк бөтөрөлһөн ине,"- тип әйтеүселәр ҙә етерлек. Ә һеҙ, дуҫтар, нисек уйлайһығыҙ?

Фото:amur.life