-9 °С
Ҡар
Антитеррор
Бөтә яңылыҡтар
Яңылыҡтар
28 Июнь 2021, 15:03

Башҡортостанда вакцинация темпы 10 тапҡырға артты

Уҙған аҙнала Башҡортостанда коронавирус инфекцияһынан вакцинация темпы 10 тапҡырға артҡан, тип белдерҙе республика вице-премьеры — һаулыҡ һаҡлау министры Максим Забелин хөкүмәттәге оператив кәңәшмәлә.

Уҙған аҙнала Башҡортостанда коронавирус инфекцияһынан вакцинация темпы 10 тапҡырға артҡан, тип белдерҙе республика вице-премьеры — һаулыҡ һаҡлау министры Максим Забелин хөкүмәттәге оператив кәңәшмәлә.
«Бер аҙнала вакцинация темпы һиҙелерлек артҡан. Әлеге көндә 180 пунктта (шул иҫәптән күсмә) халыҡҡа прививка яһау ойошторолған, — тине ул. — Рәсәйҙә вакцинация темпы буйынса алдынғы урындарҙың береһен — алтынсы урынды биләйбеҙ. Ил субъекттарына килтерелгән вакцинаны файҙаланыу темпы буйынса – икенсе урын».
Бөгөнгә республика 600 мең доза вакцина менән тәьмин ителгән. Шуның һуңғы партияһы Башҡортостанға 27 июндә килде.
Әлеге ваҡытта 515 меңгә яҡын кеше беренсе компонентты алған. Был – алынған вакцинаның дөйөм күләменән 86 процент. 368 мең самаһы кеше өсөн вакцинация тулыһынса тамамланған.
Автор:Эльвира Хамзина