+16 °С
Облачно
75 лет Победы
Бөтә яңылыҡтар
Яңылыҡтар
12 Июль , 16:21

Балалар фольклориадаһы булырмы?

Республика халыҡ ижады үҙәге һәм CIOFF Өфөлә балалар Фольклориадаһын ойоштороу мөмкинлеге хаҡында һөйләшеүҙәр үткәрҙе.

Республика халыҡ ижады үҙәге һәм CIOFF Өфөлә балалар Фольклориадаһын ойоштороу мөмкинлеге хаҡында һөйләшеүҙәр үткәрҙе.
Республиканың мәҙәниәт министры Әминә Шафиҡова һүҙҙәренсә, Халыҡ-ара фольклор фестивалдәре һәм халыҡ ижады ойошмалары советы был мәсьәләне төрлө яҡтан уйлай.
«Балалар ҡатнашлығындағы халыҡ-ара сараны уҙғарыуға талаптарҙың юғары булыуына һәм ҡатмарлыҡтар килеп тыуыу ихтималлығына бәйле совет был ҡарарҙы ныҡлап уйлай. Аныҡ ҡарар ноябрҙә Будапешт ҡалаһында CIOFF советында ҡабул ителә», — тине ведомство етәксеһе.
Хәтерегеҙгә төшөрәбеҙ, 3-10 июлдә Өфөлә алтынсы Бөтә донъя фольклориадаһы гөрләп уҙҙы, унда 37 илдән 1000-дән ашыу милли коллектив вәкиле ҡатнашты.
Бынан алда «Башинформ» Башҡортостан Башлығы Радий Хәбировтың республикала балалар Фольклориадаһын ойоштороу тәҡдиме менән сығыш яһауын хәбәр иткәйне.
Автор:Эльвира Хамзина