Чемпионаттан һуң станоктар колледждарға тапшырыласаҡ

Тәү сиратта был - кадрҙар әҙерләү сифатын арттырыу. Был хаҡта чемпионатты асыу алдынан Башҡортостан хөкүмәте премьер-министры Андрей Назаров хәбәр итте. Уның һүҙҙәренсә, чемпионаттағы хәрәкәт белем биреүгә ҡарата яңы ҡараш тыуҙыра. 

"Белем алыу һәм уның дауамы булған тәжрибә һәм стажировкалар, төбәк һәм милли кимәлдәге ярыштар - барыһы ла юғары профессиональ әҙерлек кимәлендә йәш кадрҙар иҡтисадын тәьмин итергә, эшсе һөнәрҙәргә ҡытлыҡ булдырмаҫҡа, заманса һәм талап ителгән күнекмәләрҙә хеҙмәт етештереүсәнлеген арттырырға ярҙам итергә тейеш. Был ярыштар ярҙамында конкурсанттар үҙҙәренең компетенцияларын арттыра аласаҡ. Һөҙөмтәлә улар сифатлыраҡ эшләй башлай. Йәш профессиональ кадрҙар формаһындағы WorldSkills чемпионатын үткәреүҙең һөҙөмтәһе оҙаҡ көттөрмәҫ, тип ышанам", - тине Андрей Назаров.

WorldSkills хәрәкәтене ярҙамы менән йәш белгестәр заманса ҡорамалда эшләү өсөн производствоға "әҙер" булып килә, тип билдәләне ул.

"Чемпионат ярҙамында белгес, колледжды тамамлау менән ни бары бер нисә көн эсендә генә сәнәғәт ҡорамалын үҙләштерә аласаҡ. Тап чемпионат хәрәкәте белем биреү системаһына индерелә торған үҙгәрештәрҙе күрһәтәсәк. Ысынынан да станок һатып алыу - ҙур булмаған проблема.  Эшселәр әҙерләгән колледждар алда эшләргә тейеш. Бөтә донъяла шулай, һәм беҙҙә был тенденция барлыҡҡа килде ", - тип аңлатты премьер-министр.

Шуныһы ҡыуаныслы, Өфөлә үткән WorldSkills Russia чемпионатынан һуң 5000 станокты колледждарға тапшырасаҡтар.