"Башҡортостан ҙур сараларҙы ҡабул итеүгә һәләтле

Башҡортостан Хөкүмәте Премьер-министры Андрей Назаров “Иҡтисади үҫештә эволюция компетенцияһы”пленар ултырышында сығыш яһаны.

– Бында төрлө кешеләр йыйылған. Улар – иҡтисад үҫешенә йәлеп ителгән Хөкүмәт ағзалары һәм йәштәр. Бөгөнгө сара беҙҙең донъяға төрлө ҡараштарыбыҙҙы берләштерә, бер-беребеҙгә ярҙам итеү, нимә әйтергә теләгәнебеҙҙе йәштәргә аңлатыу мөмкинлеге бирә, – тине Андрей Геннадьевич. 

Андрей Назаров билдәләүенсә, чемпионатты ҡабул итеү мөмкинлеге тыуғас, улар ике маҡсатты күҙ уңында тотҡан. Беренсенән, Башҡортостан, ниндәй генә кимәлдә булмаһын, милли чемпионат кеүек күләмле сараларҙы ҡабул итеүгә һәләтле. Икенсенән, республикабыҙҙа йәштәргә компетенция өҫтәү мөмкинлеге ҙур.

#WorldSkillsRussia #Нацфинал2021 #НацфиналУфа