-12 °С
Болотло
Антитеррор
Бөтә яңылыҡтар
Яңылыҡтар
27 Август 2021, 13:29

Хакимиәт башлығы урман янғындарына бәйле хәлде ауыр тип атаны һәм ярҙам һораны

Белорет районы башлығы Андрей Иванюта районда урман янғындарына бәйле хәлде ауыр тип атаны һәм республика халҡынан ярҙам һораны.

Хакимиәт башлығы урман янғындарына бәйле хәлде ауыр тип атаны һәм ярҙам һораны

«Урман янғындарына бәйле хәл ауыр. Район биләмәһендә дүрт янғын ҡотора: икәүһе — Инйәр зонаһында, тағы икәүһе Ҡағы һәм Тирлән урмансылыҡтарында. Бөгөн тау саңғыһы трассаһынан алыҫ булмаған урында йәнә бер янғын сыҡты. Уның майҙаны — 1,9 гектарға яҡын. Үҙем барҙым. Урмансылар, ирекмәндәр һәм урындағы халыҡ менән утты һүндерҙек, төнгөлөккә дежур итергә ҡалдыҡ», — тип яҙҙы ул социаль селтәрҙәге сәхифәһендә.

Район башлығы Мулдаҡай урмансылығындағы хәлде бик көсөргәнешле тип атаны.

Бөгөн иртән Андрей Иванович яңы яҙмаһында ярҙам һорап мөрәжәғәт итте:

«Белоретҡа, тау саңғыһы базаһы эргәһендәге янғын урынына килдем. Янғын көсәйә, беҙгә уттың таралыуын туҡтатыу өсөн физик әҙерлекле ир-егеттәрҙең ярҙамы кәрәк. Эш ауыр, ут ҡабынған урынды уратып ҡаҙып сығабыҙ. Йыйылыу урыны: элекке «Парус» лагеры яғына юл. Унда янғын машинаһы тора. Үҙегеҙ менән көрәк, 3 литр эсәр һыу, таулы урындарҙа эшләү өсөн аяҡ кейеме алығыҙ», — тип хәбәр итте муниципалитет етәксеһе.

Автор:Эльвира Хамзина