Бөтә яңылыҡтар
Яңылыҡтар
16 Сентябрь 2021, 15:47

Коронавирусҡа шик бар

 Рәсми мәғлүмәттәр буйынса, Башҡортостанда 322 балала яңы коронавирус инфекцияһы диагнозы раҫланған, уларҙың 89-ы ковид-госпиталдәрҙә дауалана. 

Коронавирусҡа шик бар
Коронавирусҡа шик бар

Һуңғы тәүлектә 64 балала ошо мәкерле сир асыҡланған. Дөйөм алғанда, республикала 1,8 мең балала COVID-19 тигән шик бар, тип хәбәр итте РБК-Уфа.

Бынан алда Башҡортостандың мәғариф һәм фән министры Айбулат Хажин уҡыу йылы башланыу менән республикала уҡыусылар араһында яңы коронавирус инфекцияһы менән ауырыу осраҡтарының артыуын хәбәр иткәйне. Уларҙың күпселеге – 15 йәштән өлкән.

Республиканың оператив штабы мәғлүмәттәре буйынса, бөгөн 61 930 кешелә  COVID-19 диагнозы раҫланған. Һуңғы тәүлектә 314-ендә әлеге сир табылған. 15 пациенттың ғүмере өҙөлгән.

 

Автор:Эльвира Хамзина
Читайте нас: