Хөсәйендәр дәртле халыҡ

Быға тиклем үткәрелгән һайлауҙарҙа ауыл кешеләрен Үткәлгә автобус менән йөрөтөп һайлата торғайнылар. Был юлы ауыл халҡы иркенләп, үҙҙәрендә, былтыр ғына ремонт үткәрелгән клубта һайланы.

Белорет районының Хөсәйен ауылы халҡы бик әүҙем, тырыш. Был әллә ни ҙур булмаған ауыл матур урында урынлашҡан. Ошо ике йыл эсендә хөсәйендәр үҙ көстәре менән мәсет төҙөнөләр. Ә мәсетте асыу тантанаһы бик ҙур сараға әйләнде. Һайлауҙа ла Хөсәйен ауылы халҡы берҙәмлеген күрһәтте. Быға тиклем үткәрелгән һайлауҙарҙа ауыл кешеләрен Үткәлгә автобус менән йөрөтөп һайлата торғайнылар. Был юлы ауыл халҡы иркенләп, үҙҙәрендә, былтыр ғына ремонт үткәрелгән клубта һайланы. Быға бигерәк тә ололар шатланды. Бер-береһе менән күңелдәре булғансы һөйләшеп, сәйәси ваҡиғалар тураһында әңгәмәләшеп, элеккеләрҙе иҫкә алып һайлауҙан ҡәнәғәт таралды.

- Беҙҙең Хөсәйен ауылы 1354-се һайлау участкаһына ҡарай. Йыл да беҙҙең ауылдан һайлаусыларҙы Үткәлгә автобустар ташый ине. Был юлы халыҡтың һорауы буйынса һайлау ауыл клубында ойошторолдо. Альмира Муллағәлләмова менән Рауил Иҫәнғужин әлеге ваҡыттағы хәлгә ҡарап бар талаптарҙы еренә еткереп үҙ эштәрен теүәл башҡаралар. Беҙҙең ағинәйҙәр һайлауҙың ауылда үтеүенә ифрат шат. Милли матур кейемдәребеҙҙе кейеп, гөр килешеп һайлауға йәм өҫтәп, тауыш бирергә килгәндәрҙе сәләмләп, мөнәжәт, бәйеттәр әйтеп ҡаршыланыҡ. Һуңынан бергәләп китаптар уҡып, ҡумыҙҙа уйнап таралыштыҡ,

ти Хөсәйен ауылы ағинәйҙәре етәксеһе Рәйлә Иҫәнғужина.

Автор:Сатура Мингажитдинова

Читайте нас в

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29