Яңы рекорд теркәлде

Оперштабтың 29 сентябргә мәғлүмәттәре буйынса, тәүлек эсендә 391 сир йоҡтороу осрағы асыҡланған. Ауырыуҙар барлығы 66 459 кешегә еткән.

Бер тәүлектә коронавирустан 19 үлем осрағы теркәлгән. Мәрхүмдәр  — 1 594 кеше, шул иҫәптән 60 йәштән өлкәндәр — 1 320 кеше.

Әле 733 кеше стационарҙа дауалана, араларында 60 йәше тулған 436 пациент бар. Уларҙың 34-е — ауыр хәлдә, 13-ө үпкәне яһалма елләтеү аппаратына тоташтырылған.

6 310 сирле өйҙә дауалана, 60 йәштән өлкәндәр— 3 812 пациент.

Бер тәүлектә — 509, йәмғеһе 57 822 кеше һауығып сыҡҡан.