Тәүлек эсендә 34 кеше коронавирустан вафат булған

Вирус йоҡтороуҙың 662 осрағы теркәлгән, сирлеләрҙең дөйөм һаны 107 мең 696-ға еткән. Стационарҙа 514 пациент дауалана, шул иҫәптән 60 йәштән өлкән 329 кеше. Амбулатор дауаланыуҙа 6 963 кеше иҫәпләнә, уларҙың 4992-һе 60 йәштән үткән.

Коронавирус ҡорбандарының дөйөм һаны — 3 617. Уларҙың 3 234-е — 60 йәштән өлкән.

2 декабргә мәғлүмәттәр буйынса, тәүлек эсендә дауахананан тыш пневмония осраҡтары 82-гә артҡан. Пневмония менән сирләгән 85 пациент һауыҡҡан.

Башҡортостандың Һаулыҡ һаҡлау министрлығында республикала вакцинация темпы тураһында һөйләнеләр. Ведомство белдереүенсә, яҡынса 1,8 миллион кеше прививканың ике компонентын да яһатҡан (70,7%).