Хаҡтарҙың тиҙ артыуына юл ҡуймау буйынса хөкүмәт штабы бөтөрөлдө

Башҡортостан Хөкүмәтенең рәсми хоҡуҡи мәғлүмәт интернет-порталында баҫылған ҡарарҙа тауар баҙарында тигеҙлекте тәьмин итеү һәм республикала ауыл хужалығы продукцияһына, сеймалға, аҙыҡ-түлеккә хаҡтарҙың тиҙ артыуына юл ҡуймау мәсьәләләрен оператив рәүештә ҡарау штабы бөтөрөлә.

Шулай уҡ штаб сиктәрендә эшләп килгән эшсе төркөмдәр бөтөрөлә, ә хөкүмәттең быға тиклем ҡабул ителгән ҡарарҙары үҙ көсөн юғалтты тип танылды. Бындай ҡарар республикала социаль әһәмиәтле аҙыҡ-түлеккә хаҡтар мониторингы буйынса эш төркөмөн булдырыу менән бәйле ҡабул ителде.

Бынан алда «Башинформ» республикала аҙыҡ-түлеккә ажиотаждың бөтөүе хаҡында хәбәр иткәйне.

Фото: novostivl.ru

Автор: Нэркэс Сулейманова

Читайте нас