Башҡортостандан гуманитар йөк тейәлгән автоколонна Красный Луч ҡалаһына барып етте

Республикабыҙҙан яҡын көндәрҙә асылырға тейешле балалар ялы үҙәге өсөн ике тоннанан ашыу ҡорамал оҙатылды.

«Беҙ ноутбук, принтер, проектор, мәктәп кәрәк-яраҡтары, ижад өсөн йыйылмалар, футбол, баскетбол һәм волейбол туптары, өҫтәл уйындары, татлы күстәнәстәр, шул иҫәптән башҡорт балы алып килдек, шулай уҡ көнкүреш химияһы һәм дезинфекция саралары бар», – тине «Берҙәм Рәсәй»ҙең төбәк башҡарма комитеты етәксеһе Руслан Насретдинов.

Хәтерегеҙгә төшөрәбеҙ, Красный Луч ҡалаһында Башҡортостан табиптары эшләй, ә республикабыҙ төҙөүселәре алдында йорттарҙы тергеҙеү һәм 1 сентябргә Петровский ауылының Рәсәй Геройы, генерал-майор Миңлеғәле Шайморатов исемен йөрөткән 22-се мәктәбен ремонтлау бурысы тора.

Фото: Башинформ