Бөтә яңылыҡтар
Яңылыҡтар
2 Сентябрь , 11:14

Яҡындарығыҙҙы мутлашыусылар тураһында иҫкәртегеҙ!

Район буйынса полиция бүлегенә Тирләндә йәшәүсе 18 йәшлек егет мөрәжәғәт ҡыла. Йәш кеше һөйләүенсә, уға “банк хеҙмәткәре” шылтыратып, ниндәйҙер мут әҙәмдәрҙең уның исеменә кредит алырға маташыуын хәбәр итә. Кредит аҡсаһын урламаһындар өсөн шылтыратыусы карталағы бөтөн аҡсаларҙы “хәүефһеҙ иҫәпкә” күсерергә кәрәклеген әйтә.

Яҡындарығыҙҙы мутлашыусылар тураһында иҫкәртегеҙ!
Яҡындарығыҙҙы мутлашыусылар тураһында иҫкәртегеҙ!

Бындай билдәле мутлашыу схемаһы тураһында хоҡуҡ һаҡлаусыларҙың гел иҫкәртеп тороуына ҡарамаҫтан, егет таныш булмаған кешегә ышана. Һөҙөмтәлә, зыян күреүсе 14 мең һумға яҡын аҡсаһынан ҡолаҡ ҡаға.

Ошондай уҡ алдыҡ арҡаһында 36 йәшлек ҡатын да ярайһы уҡ ҙур сумманы - 90 мең һум аҡсаны ялған банк хеҙмәткәренең иҫәбенә күсерә.

Әлеге мутлашыу факттары йәһәтенән енәйәт эштәре ҡуҙғатылған. Полиция хеҙмәткәрҙәре тарафынан енәйәт ҡылыусыларҙың шәхесен асыҡлау буйынса оператив-эҙләү саралары ойошторолған.

Үҙ сиратында, тәртип һағында тороусылар граждандарға уяу булырға, шикле әҙәмдәр менән аралашмаҫҡа һәм был мутлыҡ тураһында яҡын кешеләрен иҫкәртергә өндәй.

Гүзәл ДРОНОВА,

район буйынса эске эштәр бүлеге.

Фото: discover24.ru

Автор:
Читайте нас в