Мѳхәмәттәр һайлауға әҙер

Белорет районының Абҙаҡ хакимиәтенә ҡараған Мѳхәмәт ауылында 1306-сы һайлау участкаһы клубта урынлашҡан. Мәктәп ябылғас, был иҫке бинаны клуб итеп бирәләр. Ауыл халҡы ѳсѳн барлыҡ саралар ҙа хәҙер клубта үткәрелә. Бында ла үҙ эшен бар нескәлектәренә тиклем яҡшы белгән хеҙмәткәрҙәр эшләй.

Комиссия ағзалары 11 сентябрь - һайлау кѳнѳндә мѳхәмәттәрҙең берҙәм генә килеп тауыш биреренә ышана. Һайлау комиссияһы рәйесе Зѳбәйлә Хәлилова, урынбаҫары Резеда Бәҙретдинова, секретары Гѳлниса Мансурова һәм Хәдисә Низамова һорауҙар менән килгәндәрҙе асыҡ йѳҙ менән ҡаршылай.

- Беҙҙең ауыл халҡы һайлауҙарҙа һәр саҡ әүҙемлек күрһәтә,

ти комиссия рәйесе урынбаҫары Резеда Бәҙретдинова.

- Һайлау комиссияһында бөтә кимәлдәге һайлауҙарҙа ла ҡатнашып, тәжрибә туплаған белдекле команда тупланған. Барыбыҙҙың да беҙҙең ѳсѳн мѳһим кампанияны ойоштороп уҙғарырға хәлебеҙҙән килеүенә ышанам. Ауылдаштарҙы тауыш бирергә саҡырабыҙ. Участка комиссиялары ишектәре һәр кѳн асыҡ. Килегеҙ һәм лайыҡлы кандидаттар өсөн тауыш бирегеҙ!

Эйе, Резеда Ҡотлобай ҡыҙы, Гѳлниса Бәхти ҡыҙы, Хәдисә Әхәт ҡыҙы 1997 йылдан алып һайлауҙарҙа ҡатнаша.
Һайлау кѳнѳндә килә алмағандар өсөн алдан тауыш биреү ойошторолған. Бындай хоҡуҡ менән файҙаланғандар ҙа бар.

Абҙаҡ ауыл хакимиәте биләмәһендә урынлашҡан бар участоктарҙа санитар-эпидемиологик хәүефһеҙлекте күҙәтеү маҡсатында участка комиссиялары ағзаларына һәм һайлаусыларға шәхси һаҡланыу саралары бирелә.
11 сентябрь - һайлау кѳнѳндә һайлаусылар үҙ гражданлыҡ бурысын намыҫлы үтәр, ауыл, район, ҡала халҡы ѳсѳн терәк булырҙай, депутат булып эшләрҙәй кешеләргә үҙ тауышын бирер тип ышанғы килә.

Автор:Сатура Мингажитдинова

Читайте нас:

Об использовании персональных данных

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29