Ҡарабойҙайҙан юғары уңыш көтөлә

Башҡортостанда был культураның уңышы  һәйбәт, гектарынан 12,9 центнер тәшкил итә, тип хәбәр итә республика Ауыл хужалығы министрлығының матбуғат хеҙмәте.

Башҡортостан – әлеге культураны үҫтереү буйынса алдынғы төбәктәр иҫәбендә. Алтай крайы, Курск, Воронеж һәм Орел өлкәләре менән бер рәттән, тулайым йыйымдың яҡынса 75% беҙҙең республикаға тура килә. Ауыл хужалығы культураһы илдең 49 субъектында үҫтерелә.

Башҡортостанда ҡарабойҙай майҙандарының 45% ашыуы һуғылған, тулайым һуғып алыу 42,5 мең тонна тәшкил иткән. Ҡарабойҙайҙы тулайым йыйыу буйынса Илеш, Кушнаренко, Балтас райондары алдынғылыҡты бирмәй.

Фото: exp.idk.ru