+25 °С
Облачно
Яңылыҡтар
10 Октября 2022, 11:07
Мутлашыусылар тоҙағына ҡапҡан
Полиция хеҙмәткәрҙәренең граждандарҙы аҡсаға бәйле мутлашыуҙар тураһында иҫкәртеп тороуына ҡарамаҫтан, был йәһәттән енәйәттәр кәмемәй. 26 йәшлек Белорет кешеһенә лә билдәһеҙ әҙәм шылтыратып, банк иҫәбенең мутлашыусылар ҡулына эләгеү ихтималлығын хәбәр итә. “Банк хеҙмәткәре” тиҙ арала аҡсаны “хәүефһеҙ” иҫәпкә күсерергә кәрәклеген әйтә.
Мутлашыусылар тоҙағына ҡапҡан
Бындай алдашыу схемаһы күптән билдәле булыуға ҡарамаҫтан, йәш кеше күрһәтелгән реквизиттарға 80 мең һумдан ашыу аҡса күсерә. Шулай итеп, кредит аҡсаһы билдәһеҙ электрон янсыҡтарға “оса”.
Мутлашыу факты буйынса енәйәт эше асылған. Полиция хеҙмәткәрҙәре тарафынан оператив-эҙләү саралары алып барыла.
Ярыҡ ялғаш янында ултырып ҡалмаҫ өсөн ни эшләргә һуң? Шикле шылтыратыуҙар булғанда, шунда уҡ һөйләшеүҙе өҙөп, мәғлүмәтте банк арҡылы тикшереү зарур.
Гүзәл ДРОНОВА,
район буйынса эске эштәр бүлеге хеҙмәткәре.
Фото: kingisepp.ru