Бөтә яңылыҡтар
Яңылыҡтар
3 Ноябрь , 14:41

Премия тапшырылды

Бөгөн Башҡортостан Хөкүмәте йортонда журналистика өлкәһендәге иң яҡшы эштәре өсөн Шәһит Хоҙайбирҙин исемендәге премия лауреаттарын тәбрикләнеләр.

Премия тапшырылды
Премия тапшырылды

Лауреаттарҙы республиканың матбуғат һәм киң мәғлүмәт агентлығы етәксеһе Максим Ульчев ҡотлап:  “Мәртәбәле премияның Халыҡтар берҙәмлеге көнө алдынан тапшырылыуы символик мәғәнәгә эйә. Байрамға бәйле ҡиммәттәр бөгөн дә көнүҙәк, барыбыҙға ла яҡын төшөнсәләр”, – тине ул.

“Хәтер ипкендәре” эсселар китабы өсөн журналистика ветераны Тәлғәт Сәғитов, республика матбуғатында баҫылған замандаштар хаҡындағы мәҡәләләре өсөн Фәнзил Санъяров,  Башҡортостанда мәҙәниәт һәм сәнғәтте үҫтереүгә бәйле тапшырыуҙар өсөн “Башҡортостан” телерадиокомпанияһы хеҙмәткәре, яҡташыбыҙ Айгөл Усманова 2022 йылғы лауреаттар булды.

Премияға лайыҡ булыусылар комиссия ағзаларына, республика хөкүмәтенә уларҙың эштәренә ҙур баһа биргәндәре өсөн рәхмәт белдерҙе, артабан да яңыса дәрт менән эшләү, матбуғат менән тығыҙ хеҙмәттәшлек итеү теләген еткерҙе.

Автор:Эльвира Хамзина
Читайте нас в