Бөтә яңылыҡтар
Яңылыҡтар
11 Май 2023, 14:52

Рәсәй көнөндә һәм Ҡорбан байрамында нисә көн ял итәбеҙ?

Башҡортостан Хеҙмәт министрлығынан республика халҡының 2023 йылдың июнендә нисек ял итәсәген хәбәр иттеләр. Быйыл йәйҙең тәүге айында Башҡортостанда Рәсәй көнөнән тыш, Ҡорбан байрамы билдәләнә.

Рәсәй көнөндә һәм Ҡорбан байрамында нисә көн ял итәбеҙ?
Рәсәй көнөндә һәм Ҡорбан байрамында нисә көн ял итәбеҙ?

2023 йылда йыл һайын 12 июндә билдәләнгән Рәсәй көнө дүшәмбегә тура килә. Шуға күрә рәсәйҙәр шәмбе, 10 июндән алып дүшәмбе, 12 июнгә тиклем өс көн ял итә. 9 июндә эш көнө ҡыҫҡармай.

28 июндә иһә мосолмандарҙың Ҡорбан байрамы. Быйыл ул шаршамбыға тура килгәс, Башҡортостан халҡы ошо көндә генә ял итә. Ләкин шишәмбе, 27 июндә, уларҙы ҡыҫҡа эш көнө көтә.

«Хеҙмәт ҡануниәтенә ярашлы, йыллыҡ төп йәки өҫтәмә түләүле отпуск бирелгәндә байрам көнө отпускының календарь көндәренә индерелмәй», - тип белдерҙеләр Хеҙмәт министрлығында.

«Башинформ» хәбәр иткәнсә, 2023 йылда Башҡортостан халҡын 121 ял һәм байрам көнө көтә.

Автор:Нэркэс Сулейманова
Читайте нас в