«Башҡортостан» ирекмәндәр полкын ойоштороу 30 июнгә тиклем тамамланырға тейеш

«Башҡортостан» ирекле полкын ойоштороу эшен дауам итәбеҙ. Унда яҡынса 2,5 мең яугир булыр тип күҙаллана. Уларҙың Һамар өлкәһендә хәрби әҙерлек үтеү өсөн ваҡыты етерлек булһын өсөн был эште 30 июнгә тиклем тамамларға кәрәк», —  тине Радий Хәбиров.

«Башинформ» хәбәр иткәнсә, 25 майҙа Шишмә районында Рәсәй Геройы Максим Серафимов исемендәге «Патриот» паркы биләмәһендә Сергей Зорин исемендәге танк батальонын һәм Шәриф Сөләймәнов исемендәге зенит-артиллерия батареяһын хәрби әҙерлек урынына оҙатыу сараһы үтте. Ике хәрби подразделение ла «Башҡортостан» башҡорт ирекле полкы составына инә.