Төндә -2 градусҡа тиклем һыуытыуы көтөлә

«Башгидрометүҙәк мәғлүмәттәре буйынса, 25 августа төндә республиканың көнсығышындағы айырым райондарҙа һауа температураһының 0-дән -2 градусҡа тиклем түбәнәйеүе һәм  ҡырау төшөүе көтөлә», — тиелә ведомствоның хәбәрендә.

Алдағы көндәрҙә һауа торошонда әллә ни үҙгәрештәр көтөлмәй, урыны менән ҡыҫҡа ваҡытлы ямғыр яуыуы ихтимал. Ел төньяҡ-көнбайыштан талғын. Һауа температураһы төндә +3,+8°, көндөҙ +15,+20 градус.