Бөтә яңылыҡтар
Яңылыҡтар
10 Сентябрь , 14:41

Һайлауҙа иң әүҙеме - ололар

Ҡаланың металлургия колледжында урынлашҡан 1294-се һайлау участкаһы иң ҙур һайлау участоктарының береһе.

Иртәнән бирле бер-бер артлы һайлаусылар килеп үҙ гражданлыҡ бурыстарын үтәп китә. Һайлау участкаһы рәйесе Евгения Юрьевна Кузнецова һайлауҙың тыныс шарттарҙа үтеүен билдәләне. 

- Беҙҙең участкаға ҡараған һайлаусылар лайыҡлы кандидаттар ѳсѳн тауыш бирер,
тип ышанабыҙ.
- Һайлау участкаһы асылыу менән тәүгеләрҙән булып беҙгә таныш булған оло быуын кешеләре килеп, үҙҙәре теләгән кандидаттар ѳсѳн тауыштарын бирҙе. Һайлауға әүҙем йѳрѳгән ололар кандидаттар тураһында мәғлүмәтте лә яҡшы белә. Халыҡтың сәйәси ваҡиғала ихлас ҡатнашыуы, битараф булмауы күңелдәрҙә яҡшы тәьҫораттар ҡалдыра. Шулай уҡ беҙҙең участкала алдан ғариза яҙып, ѳйҙә һайлау хоҡуғы алған һайлаусылар ҙа бар. Улар оло йәштәге, һаулыҡтары яғынан мѳмкинлектәре сикләнгән кешеләр. Барыһын да ихлас йѳҙ, яҡшы кәйеф менән ҡаршылайбыҙ,
тине Евгения Юрьевна.
- Кандидаттар араһында халыҡтың ѳмѳттәрен аҡларҙай, халыҡ мәнфәғәтен ҡайғыртырҙай партиялар, кандидаттар булыуына ышанам. Һайлауҙы бер ваҡытта ла ҡалдырғаным юҡ, үҙем был юлы Металлургия колледжында урынлашҡан һайлау участкаһында тауыш бирҙем. Ҡатыным Лиана Марат ҡыҙы 13-сѳ мәктәптә урынлашҡан һайлау участкаһында үҙ бурысын үтәне. Башҡа йәш кешеләрҙе лә һайлауҙа ҡатнашырға саҡырам,
тине Рәил Ишмѳхәмәтов.
Автор:Сатура Мингажитдинова
Читайте нас в