Янғынға ҡаршы махсус режимды ғәмәлдән сығарырға тәҡдим ителде

«Бөгөн таңға урман янғындары теркәлмәгән. Шулай уҡ бөтәһе 0,8 гектар майҙанда өс ҡоро үлән яныу осрағы булған. Уттың ауылдарға күсеүенә юл ҡуйылманы, — тине ведомство етәксеһе. — Урман һәм ландшафт янғындары менән хәлдең тотороҡланыуына, янғын хәүефенең кәмеүенә бәйле 12 октябрҙән республика биләмәһендә янғынға ҡаршы махсус режимды ғәмәлдән сығарырға тәҡдим ителә».

Янғынға ҡаршы махсус режимды ғәмәлдән сығарыу тураһында мәсьәлә Башҡортостан Башлығы Радий Хәбировта ҡарала.

«Башинформ» хәбәр иткәнсә, быйыл 15 майҙа Башҡортостан биләмәһендә янғынға ҡаршы махсус режим индерелде. Төп маҡсат — урман янғындарына һәм ҡоро үлән яныуға бәйле хәлдәргә юл ҡуймау.

https://www.bashinform.ru/news/social/2023-10-09/v-bashkirii-s-12-oktyabrya-predlozhili-otmenit-osobyy-protivopozharnyy-rezhim-3471474