Яһалма ҡар яуҙырыу башланды

Абҙаҡта яһалма ҡар яуҙырыу системаһы 23 октябрҙә үк эшләй башланы. Ә бөгөн «Морат» тау саңғыһы ошондай эштәргә тотондо.

Район хакимиәте башлығы Андрей Иванюта хәбәр итеүенсә, ҡар генераторҙары Морат тауының көньяҡ битләүендә эшләй. Беренсе, дүртенсе һәм балалар трассаларында ҡар яуҙыралар. Бер үк ваҡытта 13 пушка эшләй.

«Беҙҙә көндәр һыуытты, шуға ҡар әҙерләүҙе уҙған йылға ҡарағанда иртәрәк башланыҡ. Битләүҙе тулыһынса ҡар менән ҡаплау һәм тау саңғыһы миҙгелен асыу һауа шарттарына бәйле», - тип билдәләне Андрей Иванюта.

Хәтерегеҙгә төшөрәбеҙ, «Башинформ» Башҡортостандың «Абҙаҡ», «Ятыкүл» һәм «Ҡандракүл» тау саңғыһы үҙәктәре «Рәсәй тауҙары» милли конкурсында ҡатнашыуға тәҡдим ителгәйне.