Өфө-Белорет юлында телефондан һөйләшеп буласаҡ

Һанлы үҫеш министрлығы был биләмәлә мобиль элемтә булдырыу буйынса проект әҙерләгән. Әле юлдың 95 процентында элемтә юҡ. Ведомство башлығы Геннадий Разумикин белдереүенсә, 14 яңы станция урынлаштырыла. Проект ике йылда ғәмәлгә ашырыла. Бының өсөн 200 миллион һумдан ашыу аҡса тотонола. Эштәр киләһе йылда башланырға тейеш.