Дәүләт теркәү билдәһе яҡшы баҫылған һандар һәм хәрефтәр менән булырға тейеш. Ул буяуҙың юйылыуынан, бысраҡтан йәки туҙандан уҡырлыҡ хәлдә булмауы мөмкин. Бының өсөн иҫкәртеү йәки 500 һум күләмендә административ штраф ҡаралған. Автомобиль менән номерһыҙ идара итеү йәки уларҙы идентификациялауҙы ауырлаштырыусы материалдар ҡулланыу 5000 һум күләмендә штраф һалыуға йәки 1-3 айға идара итеү хоҡуғынан мәхрүм итеүгә килтерә. Ялған номерлы транспорт менән идара иткән өсөн алты айҙан бер йылға тиклем транспорт саралары менән идара итеү хоҡуғынан мәхрүм ителә, - ти Башҡортостандың баш дәүләт автоинспекторы Владимир Севастьянов.
Тейешле тәртиптә теркәлмәгән машина өсөн 500 һумдан 800 һумға тиклем административ штраф ҡаралған. Әгәр хоҡуҡ боҙоу ҡабатланһа, 5000 һум күләмендә штраф һалыу йәки бер айҙан өс айға тиклем транспорт саралары менән идара итеү хоҡуғынан мәхрүм итеү янай. Сара 24 мартҡа тиклем дауам итә.